Alibugha

Halos sampung taon na din ang nakakaraan. Sila 'yung extended family ko noong mawala sa mundo ang tatay ko. Na gumanap sa dalwang tungkulin nung isuko ng isa ang role n'ya bilang ina. Sila 'yung sinasabi ng mga tao na inabala nila ang sarili nila para palakihin ako. Dinamitan, pinag-aral at binigyan ako ng espasyong matutulugan.

Sila 'yung mga tinutukoy ng mga nagsermon sa akin, bakit ko daw sila tinalikuran? Pwede naman daw nilang abandunahin na lang kaming magkapatid, o iligaw na lang kaya noon sa gate ng dswd. Pero hindi nila ginawa. 

At ako 'yung walang utang na loob na palamunin. Ako 'yung mapagmalaki. Na umedad lang ng kaunti, ang tingin ko'y kaya ko na daw ang lahat. Ako 'yung hindi marunong magpasalamat. Ako 'yung itim na tupa. 

Malamang ako nga lahat 'yun. Hindi ko sasalangin ang anumang paratang. Totoo man o hindi. Dinagdagan man, kinulayan, binawasan. Nakakapagod nang mag-aklas lalo na pag bingi ang pamahalaan. Tama na 'yun, ginawa ko ang iniisip kong makakabuti para sa akin, wala akong dapat sisihin.

Sa naging sitwasyon ko, alam kong hindi ako susuportahan ng mga magbabasa nito. Hindi ako maiintindihan maliban na lang kung kagaya ng sa akin ang dinanas nila. Madaling manghusga at maging righteous. "Dapat ganito ang ginawa mo! Sana ganito. Mali ka." Bullshit! Maiintindihan n'yo ako kung nangudngod na kayo sa identity ng pagiging sampid.

Pilit kong iwinawaksi noon sa isip ko na kaming magkapatid ang "sabit" tuwing kuhaan ng picture. Na mas madalas kami ang photographers dahil mga set sila ng buong pamilya. Kami 'yung ipapangpuno sa frame kapag feeling nila nahahalata namin na out of place na kami. At pag may sumbatan portion, ipapaalala nila sa'yo 'yon kapag na-sense nilang kinakalimutan mo ang pagiging sampid mo.

Siguro naging mapag-imbot ako. Iyon. Aaminin ko 'yun. Dahil pag nag-mature tayo, maa-appreciate natin ang maliliit at malaking bagay na idinulot nila sa atin. At ang hardships na kapalit noon ay hindi ko isinisisi sa kanila. Dahil sa simula pa lang ay may choice akong pinili.

Ang lahat sa 'tin, dumadaan sa punto ng buhay na kailangang may gawin tayong desisyon na makakapagpa-liberate sa atin. Kailangan nating ipagtanggol ang kahit anong maliit na natitira sa pagkatao natin. Pumalag kahit minsan sa mga maling turing.

Kung sisikilin nila ang isang bahagi ng pagkatao ko, hindi nila ako binabayaang mag-exist. Hindi ako nagiging ako. So kung anuman 'yung bahagi na iyon, masasabi kong ito na ang pinaka-tamang nagawa ko sa sarili ko. 

Ang manindigan. Walang ibang maninindigan para sa akin. Hindi manghihimasok ang ibang mga naaawa kong kamag-anak. Hindi ako ipagtatanggol ng nag-iisang kapatid ko na umaasa din sa kanila. Inilaglag at pinasama pa akong lalo ng nanay ko na umiwan sa amin ng lagpas 12 taon, para lang makapaghugas-kamay sa nagawa n'ya. Wala akong bagay na masasabi kong akin.

Kung may bagay akong pinagsisisihan ay 'yung hindi sa kanila makapag-pasalamat. Na sa kabila ng lahat, bahagi sila ng kung ano ako. Sila ang nagtaguyod ng pundasyon ko. Kaya kung gano ako katapang ngayon, sila ang nagbigay nun. Pero still, kung ayaw mo sa government, tikal ka na lang. Magiging mahirap ang daan na 'yun, malubak. Pero hindi naman nawawala ang Panginoon.

Sa paglipas ng panahon, kahit gano kaimportante ang mga ginampanan nila sa buhay mo, kapag matagal mong itinago o hindi tinignan ang mga larawang kasama sila --bigla silang nagiging ESTRANGHERO. Piliin lang ang mga litratong gusto mong palayain at panatilihin sa iyong gunita. Matutong MAGPAHALAGA. At huwag matakot KUMAWALA.

Buladas

If someone ever tells you that they love you within a week or so of knowing you,

do your best not to believe it. Their attention spans are brief, their talk

of love & devotion will be quick, and their goodbye's will be just the same.

All full of shit.

"MALAGU"

Previously ay sinilipan natin ang Top 6 na pinaka-"masasanting" na transmen sa mundo. Ngayon naman ay ilista natin ang Top 6 na pinaka-"malalagung" transgender women. Malamang hindi lahat sila ay may 100% na katawang pambabae na. Sige nga, paano ko malalaman? At least naman, mayroon na sa kanilang naipaputol na ang mga nakausling sanga-sanga, may mga nagpasemento na din ng "humps" sa kanilang kalsada. Maaaring hindi kapantay ng panlasa ko ang mapapabilang sa mga listahan ninyo. Pwede ding iba ang rankings n'yo sa anim na ito. Hindi naman ito paid, at lalong hindi pangmalawakang bilangan ang boto. Yan naman, pag-awayan pa natin ang accuracy ng pagtingin sa kung sinong mas maganda kanino?

6.)    Kevin Balot,   Philippines

Si Kevin ay kapatid ni Kim Balot, yung dalaginding na pinapasok ni Big Brother sa bahay n'ya para manggulo sa Myrves fairytale. Ang awa ko lang kay Kim, sinabihan kase s'ya ng netizens na mas mukha s'yang bakla kesa sa kuya n'ya. Anyway, si Kevin ang title holder last Miss International Queen 2012. Ito ang Miss World counterpart ng beki pageants. Medyo nasobrahan lang sa energy drink ang ate mo nung sumagot sa Q&A. Nursing graduate si ditse na nangangakong ire-retain ang panlalaking pangalan. Ayaw daw n'yang gumamit ng screen name o kahit alias.

5.)     Jenna Talackova,   Canada

Jenna is of Czech and Babine descent, born and raised in British Columbia. She is a Canadian model and television personality, who gained media attention in 2012 when she successfully waged a legal battle to be allowed to compete in the Miss Universe Canada pagkatapos ma-disqualify dahil sa pagiging transwoman. Anforchuneytli, hindi nakapasok ang lola mo sa Top 5 ng Miss Universe Canada though naiuwi n'ya ang Miss Congeniality trophy. Naging co-grand marshal s'ya noong 2012 Vancouver Pride Parade bilang pagkilala sa pakikipaglaban n'ya na mapayagang makasali ang transgenders sa Miss U. Modela ang lola mo ngayon sa Toronto. Super-catwalk.

4.)    Treechada Petcharat,   Thailand

Saknarin Manyaporn sa tunay na buhay or better known by the names Poyd or Treechada Petcharat. Isa na s'ya ngayong Thai actress and model. Assigned male at birth, Poyd underwent sex reassignment surgery at age 17. At age 19, Treechada won the Miss Tiffany's 2004 and Miss International Queen 2004. Kim Chiu lang na porn star ang peg di ba? Malago..

3.)    Francine Garcia,   Philippines

Hindi na-dethrone ang Super Sireyna Queen of Queens 2013 winner na si Francine Garcia tulad ng unang napabalita. Nag-leak sa internet ang scandal photos ni Francine na tila ba naglalaro s'ya ng binhi ng buhay at nakikipag-cybersex. Baka resbak ng mga mahadera n'yang kalaban sa Sireyna... or sa real life. Uhmm, medyo pala-away din kase si gurl. Si Kim Chiu rin daw ang peg ni ditse noon pa kahit sa Sireyna. Kotang-kota na sa mga tranny 'yan si Kimay, huh?!

2.)    Nalada Thamthanakorn,   Thailand

Si Nalada Thamthanakorn naman ang winner ng 13th Miss Tiffany's Universe 2010, ito ang Thailand's most popular transsexual beauty pageant. Miss Universe ng transwomen around the world na balot na balot ngayon ng kontrobersya dahil bias at lutong macau daw ang kumpetisyon. Iisa lang ang depinisyon nila ng ganda. Dapat payat, asyano, maputi ang balat, straight na itim ang buhok at dapat laging bahagyang bilugan na pa-chinita ang mata. Kaya naman sa buong history ng pageant e puro Thai lang ang mga naipanalo dito. Famous vote lagi kase ang pinapaboran. San ba 'yan ginaganap? Sa Thailand. Pati nga 'yung Miss International Queen, sa Thailand din 'yun. So sinong aasahan na palaging mananalo? Alangan namang si Miss Mongolia? Si Nalada na isang 19 year old stunner (at stunner naman talaga) ay nabansagang Thailand's most beautiful katoey (ladyboy or woman-of-the-2nd-category) ng kanilang bansa.

1.)    Carmen Carrera,   USA

Si Carmen Carrera ng Elmwood Park, New Jersey, ang ating pinaka-'malagung' transgender na mula sa American reality television series na RuPaul's Drag Race, at napanuod din sa spin-off series nitong RuPaul's Drag U. Bukod sa pagiging reality tv personality, model at burlesque performer din s'ya. Although she identified as male during the third season of RuPaul's, last May 1, 2012 ay ibinalita ni Carmen na isa na s'yang ganap na transgender woman. Nakilala si Carmen bilang isa sa apat na myembro ng Team "Heathers" sa show (kasama ang pinoy na si Manila Luzon, with Delta Work and Raja). Pina-boom ni Carmen, kung hindi man pinasikat, ang "nude" style of drag. S'ya na yata ang pinaka-mukhang babae na sumali sa show. Masugid na taga-suporta s'ya ng AIDS Awareness Campaign sa US.

Mapapansin ninyong karamihan sa kanila ay hindi masyadong napagkikinitaan sa mga LGBT meetings at iba pang programa na sumusuporta sa mga miyembro ng third sex. Sabi nga nila kung may taga-luto ng handa, may taga-facilitate din ng event at may taga-harap sa bisita. Sa mga babaeng ito ang entertainment. Kaya kumpara sa mga gays at lesbians.. sila 'yung mas missing in action sa mga ganitong kampanya dahil sila yung mas madalas nasa spotlight. Kailan ba nagkaroon ng pageant para sa mga tomboy? Mas umeeffort sila pagdating sa pagpapagandahan dahil 'yun ang essence ng pagiging dalagita nila. Na maging sampung ulit na magandang bersyon sila ng kababaihan.

Ang gagandang mga lalaki naman kase nito nila ma'am!

"MASANTING"

Sila ang anim sa pinaka-"masasanting" na transmen sa mundo ngayon. Ipinanganak na babae at ngayon ay mga katawang-hombre na. Hindi natin napupuna sa mga kapatid nating lesbo kung may alab ba sa puso nilang maipasailalim sila sa gender reassignment surgery (sakaling hindi kwestyonable ang kakayahan ng deparment of finance). Karaniwang mga bading lang kase ang lantarang nagpupuyos pagdating sa desire na mabago ang kanilang panlabas na anyo. Biglang mga 'boom' ang itsura at ang gagwapo kapag nabigyang-katuparan ang mga pita ng puso. Isipin mo na lang kung gano sila kasayang mailipat sa tamang mga katawan. Hindi mababayarang self-fullfilment sigurado 'yun. Di na importanteng ipagsigawan o di kaya'y magpa-discover sa media ng mga matagumpay na sumailalim dito, mahalaga'y ma-empower ang lahat ng mga pusong-brusko. Mahikayat na laging may pamilian tayo para maisakatuparan ang gusto nating maging sa buhay natin.

6.)    Yuval Topper,   Israel

Si Yuval Topper ay kilalang Israeli transgender man na nagluwal ng sanggol noong December 2011 dalwang araw pagkatapos ng pasko. Bruskong bading ang partner ni Yuval na s'ya ding ama ng kanyang ipinagbuntis. Ito ang isa pang norm pagdating sa transmen nowadays. Sila yung mga nagmatigas noon na huwag magsuot ng palda, at hinulaan ng lahat na never makakapag-pakalat ng lahi dahil hinding-hindi papatol sa "kapwa-lalaki". Pero noong naging komportable na sila sa bago nilang katawan bilang mga ganap na otoko, ligayang-ligaya sila na mapagtantong lalaki pala talaga in the end ang bet nila. Pero it doesn't mean na pusong-babae na sila. Lalaki pa din sila at heart, pero mas nangingibabaw ang pagiging paminta. Let's just say.. lalaking matso na bakla.

"I had a few coming outs, the first when I was 14, as a lesbian. When I was 16, I understood I am transgender, and after I underwent my treatment, I started to be attracted to guys, and since then I am gay."

Getting the best of both worlds, at least nahanap na n'ya ang totoong s'ya. Buti na lang hiniling n'yang maging intact muna noon ang sexual reproductive organ  n'ya. Yuval is now a volunteer in a lesbian, gay, bisexual and transgender youth organisation that helps adolescents deal with issues of sexuality, he is also very involved in the Israeli LGBT community. Hindi si Yuval ang kauna-unahang transgender man na nagbuntis at nagluwal ng sanggol sa natural na paraan. Ang pinakasikat na naitala ay ang transman din na si Thomas Beatie.

5.)    Ian Harvie,   USA

Si Ian Harvie naman ay isang Amerikanong stand-up comedian na kilala sa pagsasangkalan ng kanyang sekswalidad sa mga jokes at punchlines. He has performed with Margaret Cho and many other notable celebrities and is a well-known fixture in the LGBT pop culture community sa iba't ibang lugar sa US.

4.)    Katastrophe,   USA

Si Rocco Kayiatos ay mas kilala sa tawag na Katastrophe, isang American hip-hop rapper and producer. Kayiatos is widely credited as the first openly transgender singer in the hip-hop genre.



3.)    Nil Orera Nodalo,   Philippines

Si Nil ay graduate ng AB Political Science sa Centro Escolar University. S'ya ang Vice-Chairman ng TransMan Pilipinas na naglalayong maipanuto at magabayan ang mga indibidwal na kaparehas n'ya ang layon na makilalang ganap bilang Adan sa ating bansa. Na-feature na din sa programang 'Magpakailanman' ang life story ni bibi boy. He believes that one of his greatest contributions to the transgender community is his courage to come out in public, face the media and be one of the pillars in the creation of TransMan Pilipinas.

2.)    Ryan Sallans,   USA

Si Ryan Sallans ay isinilang bilang Kimberly Ann Sallans, isang LGBT rights advocate and public speaker na naglilibot sa U.S. to educate people about transgender issues and changes to the health care system. He underwent his transformation from female to male over the course of several years and completed his transition in 2005. Una s'yang nakilala sa palabas na "Larry King Live!" at sa LOGO channel. Naging very visible din si bibi boy natin sa kaliwa't kanang magazine articles at iba pang publications.

1.)    Balian Buschbaum,   Germany

At ang pinaka-pogi sa lahat na si Yvonne Buschbaum na ipinanganak noong 1980. Dati s'yang German pole vaulter at kahit pangalawa s'ya sa pinakamagaling na babaeng pole vaulter sa bansa, nag-retire din s'ya noong 2007 dahil sa sunod-sunod na injury. Opisyal niyang pinalitan ang pangalan n'ya last 2008 pagkatapos n'yang tuluyang mapasailalim sa gender reassignment surgery. He is a very hot Bibi Boy, isn't he?

Walang basagan ng trip! Hindi mo obligasyon sa kapwa mo tao na sagutin ang mga diskusyon kung kasalanan o imoral ba ang maging malaya sa pagpili ng mga ganito kaimportanteng desisyon sa buhay. Live and let live. Lahat tayo ay may kanya-kanyang pananagutan. Lahat tayo ay may bagahe. Hindi nila pananagutan sa atin na idukdok sa mga mukha natin ang tama at hindi tamang gawin. Nakiki-saksi lang tayo, pero hindi natin nararamdaman ang struggles ng bawat isa. Nakikireklamo tayo sa baho ng utot pero pare-pareho lang tayong nakikilanghap ng hangin sa mundong ito. Magbigayan tayo ng karapatan at respetong mabuhay sa gusto nating paraan.

Viva La Poge!

The Many Lives of Sexy Pancake

Meet @sexsypancake.

Ang kabogerang hot momma ng Thailand!

Hanapin si Sexy Pancake.

PACK!

Akala n'yo si Solenn Heussaff, 'no? Mga impakto kayo. Mas maganda pa s'ya dun! S'ya si Niwat Sangmor, a.k.a "Sexy Pancake". Sa loob ng isang buwan ay viral agad ang video ni badet pagkatapos i-upload sa social networking sites ng mga baktiryang kalalakihan ang video, kung saan pinagtripan s'yang pasayawin sa gitna ng isang kalsada sa kanilang probinsya. Kala mo'y na-overdose sa Combantrin, bigay-hilig na gumiling-giling ang 25 years old na lilybeth at animo'y isang bulateng hala, sige, mega-G Force sa kaparangan kesehodang mawalan ng malay. Kasabay noon ay ang pagsulputan ng hindi mabilang na fan pages ni Niwat sa Facebook.  Ang official fan page ay mina-manage ng close friend n'yang si Sura Narin, who came up with the idea of posting humorous photographs of a bikini-clad Niwat in various countryside activities. Set up in May, the page went viral in less than two months and has since gained a huge following among Thai citizens. Sunod-sunod din ang pagkaka-feature ng kanyang life story sa mga TV programs sa kanyang bansa. Doon ikinwento ang struggles n'yang makakuha ng diploma thru adult education program, ang desire n'ya na maging ganap na bilat at ang pilit na pagganap sa mga pang-bruskong trabaho mairaos lang ang mahirap nilang pamumuhay. Nakatira s'ya kasama ng kanyang lola at isang alagang baka sa maliit na bahay sa Waeng Noi district na matatagpuan sa bansang Thailand.

Ngayon ay maraming raket si Sexy Pancake, kaliwa't kanan ang TV guestings n'ya. Laging may bookings na mag-perform sa mga gay bars na chill-chill ang ambiance at disco-discohan lang till sunrise. At kumapit ka na, she is also publishing an autobiography, set to be released this year. Hahaha. Mag-sorry ka sa kanya.

Pina-paalalahanan ang lahat na mag-pababa muna ng kinain ang mga katatapos lang kumain. Matulog ng maaga at magdasal pagkatapos basahin ang post na ito. Huwag n'yo kong i-blackmail, mag-hire kayo ng sarili n'yong albularyo na magta-tawas sa inyo kapag kinailangan.

Sa pelikula na unang ginampanan ni Priscilla Almeda, "Halimuyak ng Babae" (The Bilasa Sequel)

Miss Congeniality 3: Armed and Fabulous and Creepy

                "Ang tunay na maganda, hindi nagtu-toothbrush pagkagising at bago matulog. Ang tunay na maganda, hindi nagtu-toothbrush at all."

                    Si Sexy Pancake lang ang nag-iisang Thai model na magaling mag-adlib at hinding-hindi nag-uulit ng pose. 'Ni hindi na kailangang turuan ng photographer. Pakshet.

I am so beautiful you will feel like you're wasting your time when you're not looking at me.

I may be a teenager but I'm still a child at heart.  :))

This is what you call a conceptualized photo. Nicely done, miss. Nicely done.

Ang tunay na maganda, hindi nag-e-edit ng picture. Totoong umaakyat sa tuktok at lumulundag. Una ulo.

Petition for Sexy Pancake to replace Tyra on ANTM.

Effortless beauty. Kabogerang tunay.

"I'm better than pornography..."

Nang mag-booty tooch ang ulam.

Pauwiin na yung nasa left, hindi naman magaling. Ang sakit lang sa mata!

Sa pelikulang, "Anong pipiliin mo: Troso o ako?" -- Wow. Just wow.

Sossy at ingliserang kolehiyala? Yeah baby. Pang-throwback noong nag-all girls school s'ya.

Clavicles are the sexiest part of a woman's upper body.

Very non-conventional pose! Kailangang mag-workshop nung gurl na nasa baba.

Dapat nga daw kase passionate sa lahat ng bagay. Kahit nagbo-bomba ka lang ng poso.

Sana biglang mag-on 'yung makina, tas ma-ground sha.

Ayaw talaga paawat ni ma'am. Ay! Teka.. Maibalibag 'tong pc!

Tang-ina. Mina-migraine ako sa'yo!

R-18+ . Kailangan ng malawak na pag-iisip para maintindihan ang sining na 'to.

Sa pelikulang, "Libre Sagasa, Basta Dapat Sure Kill"

Hindi ito 'yung video na may pinakamaraming hits. Nagdadalawang-isip kase ako sa video na 'yun e. May mga totoy s'yang kasama sa tabi. And mas nakakasira s'ya ng araw panuorin. Masaya ako para sa kanya kung masaya talaga s'ya sa ginagawa n'ya. Grabeng pinatawa n'ya ako nung una ko s'yang na-discover. Walang sinuman ang nasa posisyon para husgahan at ituro ang bagay na dapat lang magpasaya sa isang tao. Pero kung deep inside pakiramdam n'ya nababastos na s'ya, sana alam n'ya na walang kayang bumaboy sa pagkatao n'ya kung hindi din n'ya papayagang mababoy s'ya. Matatanda na tayo, ayoko na magpaka-preachy. Let's just enjoy every bit of life. FUNNN!!! :))

Poser Posters

Kalokalike ba o Kaloka?  :DD

Ang very identical posters ng hollywood movie na "Gone" at pinoy drama series na "Huwag Ka Lang Mawawala". Hindi ako maniniwala pag walang umamin na may isang gumaya sa isa. Pag sinabing nagkataon lang, sorry talaga, but I won't buy it. Napanood ko na 'yung movie na ito ni Amanda Seyfried. Walang ngang pagkakatulad sa kwento ng serye ni Jodie Ann. I'll give them that. Pero juice ko naman.

Walang karapatang mag-angas ang sivin dahil hindi pwedeng nagkataon lang din ang pagkakahawig ng hollywood movie na ito ("The Reader") sa overrated pink drama ng GMA na "My Husband's Lover". Obviously, walang pagkakatulad ang storya ng dalawa. Pero. C'mon, sikat ang pelikulang ito ni Rose. Nanalo s'yang pareho sa Golden Globe at Oscars. Aling video shop sa mundo ang hindi magpaparenta sa bala ng The Reader para sabihing nagkataon lang at hindi sila pamilyar dito? My gulay.

Pagkakita ko sa poster ng Amorosa, ang hollywood movie na "Excision" na agad ang na-imagine ko sa indie na 'to ng StarCin. Halos magkalapit lang ang release date ng local film na 'to sa release date nung isa sa US. Pero bago pa i-produce ang Amoro, kinukwento na ata online ang synopsis ng foreign movie na 'to. May still shots na din at movie poster sa google para sa mga Captain Hooks. Tsk, tsk. Baka naman nagkataon lang. Pero may mga nag-comment na noon, hawig din daw sa concept ng "A Tale of Two Sisters" ng South Korea ang poster. S'yempre may ilang nabago. Still, kamukha.

At sino bang makakalimot sa eerily similar movie posters ng "Guni-Guni" at Thai movie na "Alone"? Hindi na ko nag-comment noon sa plagiarism issue na ito ng pelikula ni Mother Lily. Kawawa. Hindi pa pumapalo ang showing date, award na sa negative feedback. 'Ni hindi man lang kumalahati si Lovi sa kinita ng kasabayan nitong movie ni Rosario Maurer na "Corazon: Ang Unang Aswang".

Lastly, ang movie ni Tetay na signos ng pag-embang ng karera n'ya sa horror film industry. May sulyap na umi-"Scream 4" yung design na naging "Cabin In The Woods" bigla e. Panalo yung smudges ng tunaw na red blush on na ginamitan ng matigas na brush sa pisngi, sa noo at sa baba. Ganun pa man, ang obvious ng plagiarism dito 'te. Wag naman masyado pa-halata. Lalo na kung umaasa kayong hindi magiging flop yung pelikula, wag masyado ma-give away lalo't hindi naman dekada ang pagitan nung dalwang movie. (Para sa akin, fair at ayos naman ang kwento ng CITW, na ayaw ng mga dati kong officemates na sina Heart at Leila. Napaisip ako that time kung napanood na ba talaga nila o nang-aasar lang sila na pagtulungan ako.)

--------------------------------------------------------------------------------------------------------------------------------

Well, hindi naman natin 'yan gawain. Mas talamak pa din ang bastos at harap-harapang pagnanakaw ng ideya ng Bollywood at Chinese movies sa posters ng Hollywood films. May mga mangilan-ngilan na napupuna tayo locally lalo na sa content ng kwento, na sigurado ka kung anong foreign films ang pinagkunan. Mga pangongopyang manaka-naka lang sa umpisa, tas ididikit sa konsepto ng isa pang sikat na pelikula o tv series para mas hindi halata. Mga kahihiyan na kapag hindi natin tinutukan at pinukol ng pinukol e magiging bisyo ng mga tamad na graphic artists at marketing departments sa bansa. Ang normal talaga, sanay ang Pilipino sa walang-lusog na konsepto ng paggawa ng movie posters. Pag sinabing posters ng pelikula, 'ni walang tumatatak sa isip ko kundi 'yung mga cheezy, formulaic at pa-safe na mga pinoy film poster designs. Kung saan karaniwang pinagdidikit lang ang tila may-hydrocephalus na ulo ng isang magandang leading lady at isang gwapong lead actor. Then palilibutan ng mas maliliit na mga ulo ng supporting casts na lahat ay mga naka-pakengkoy face.