Tradisyunal o Makabagong Pagbabalita?

          Nung araw, pure news reporting lang ang hatid ng TV anchors at field reporters. Walang kulay, emosyon, sudden reaction at side comments. May hiwalay na editorial show para sa mga taong may magandang batayan ng opinyon.

         
             Kaya magagaling na kritiko ang taumbayan dati kase binibigyan sila ng chance gumamit ng utak para mag-isip at mag-analisa sa gitna ng crisis at isyu. Nahahaluan ng texture ang balita pag iniimpart ng journalist ang nararamdaman nya sa isang usapin. At dahil nga opinyon, kung hindi nagiging-one sided, minsan naipagtatanggol yung mga maling tao.

          'Na hindi katanggap-tanggap, para sa'kin. Oo mamamayan din silang may karapatan at opinyon. Ngunit maimpluwensya din sila. Again, these will all fall under the real essence of power and responsibility. Nagagamit ang propesyon at programang kinabibilangan para mag-impose ng preachings na opinyon lang ng isa. Pag may propesyon tayong pinagkadalubhasaan, kailangan nating maging epektibo sa propesyon na yun at huwag na huwag lalampas sa boundary.

          Lahat ito ay bunga ng innovation at pag-eeksperimento ng media. Ginagawang kwela, may friendly approach at madaling intindihin. Binabawi sa pagiging catchy at maka-masang konsepto para magkaron ng maraming viewership. Subalit kolokyal, impormal at kulturang-kanto ang turing sa mga "catchy at makabagong konsepto" na 'yun.

          I prefer the old-fashioned way of news reporting. Ayos lang kung may magaan na format tulad ng morning show. Pero kung magdedeliver ng balita, sana katulad na lang sa news reporting nung araw.

          Stiff. Strikto. Mas credible.